AdeptWiz Alliance Inc.

தோப்பகம் தொண்டர் சபை – கல்விச் சேவை நிலையத்தில் களைகட்டும் “வாணி விழா 2026” போட்டிகள்! – 17.10.2026

தோப்பகம் தொண்டர் சபை – கல்விச் சேவை நிலையத்தில் களைகட்டும் “வாணி விழா 2026” போட்டிகள்!

“தொன்றுதொட்டு வந்த எமது மரபுக் கலைகளே எமது மண்ணின் அடையாளம்!”

எமது காரைநகர் தோப்பகம் தொண்டர் சபை – கல்விச் சேவை நிலையத்தின் ஏற்பாட்டில், கலை வளர் கழகம் – USA அமைப்பின் முழுமையான அனுசரணையுடன் நடைபெற்று வரும் வாணி விழா 2026 நிகழ்வுகளின் இன்றைய முதற்கட்டப் போட்டிகள் எமது மாணவர்களின் உற்சாகமான பங்களிப்புடன் மிகச் சிறப்பாகவும் விறுவிறுப்பாகவும் நடைபெற்று முடிவுற்றன!

இன்றைய களத்தில் எமது மாணவர்களின் தனித்துவத் திறமைகள்:

குருத்தோலைகளை எடுத்து, விரல்களின் நேர்த்தியோடு அழகிய கோபுரத் தோரணங்கள் மற்றும் பூ மாலைகளைப் பின்னி, பாரம்பரியக் கலைகளில் தங்களுக்கு நிகர் யாருமில்லை என எமது மாணவர்கள் நிரூபித்து வருகின்றனர்.

இன்றைய முக்கிய போட்டிகள் (17.10.2026):

தோரணம் பின்னுதல் போட்டி (அனைத்துப் பிரிவு மாணவர்கள்)

மாலை கட்டுதல் போட்டி (ஊசி மாலை & பூ மாலைகள்)

நிறைகுடம் வைத்தல் போட்டி

நவீன காலத்தில் மறைந்து வரும் எமது பண்பாட்டுக் கலைகளை அடுத்த தலைமுறைக்குக் கடத்தி, மாணவர்களின் ஆக்கத்திறனை வெளிக்கொணரும் இந்தத் தருணங்கள் காண்போரின் கண்களுக்குப் பெரும் விருந்தாக அமைந்துள்ளன!

போட்டிகளில் ஆர்வத்தோடு பங்கேற்கும் எமது மாணவ,மானவிகளையும், அவர்களுக்கு உறுதுணையாக வழிகாட்டும் ஆசிரியப் பெருமக்களையும் மனதார வாழ்த்திப் பாராட்டுவோம்!